Ўзбекистонда энг арзон гўшт қаерда?

Ўзбекистон истеъмолчилар ҳуқуқларини ҳимоя қилиш жамиятлари федерацияси республика бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2019 йил 28 апрель ҳолатидаги нархларини маълум қилди. Бу ҳақда ЎзА хабар берди.

Мол гўшти
28 000 сўмдан 40 000 сўмгача

Энг арзон нарх “Фарҳод” деҳқон бозори (Тошкент) ва Қорақалпоғистон Республикаси Нукус шаҳар Марказий деҳқон бозорида кузатилди. Ушбу бозорларда 1 кг мол гўштининг нархи 28 000 сўмдан 38 000 сўмгача сотилмоқда.

Бир килограмм мол гўшти учун энг қиммат нарх Андижондаги Марказий деҳқон бозорида, Қарши шаҳар Марказий деҳқон бозорида, Урганч шаҳар Марказий деҳқон бозори ва Тошкентдаги “Чорсу” деҳқон бозорида қайд этилган – 30 000-40 000 сўм.

Қўй гўшти
28 000 сўмдан 44 000 сўмгача

1 кг қўй гўшти учун энг арзон нарх “Фарҳод” деҳқон бозори ва Қорақалпоғистоннинг Нукус Марказий бозорларида қайд этилди. Бу ерда сиз 1 кг қўй гўштини 28 000 сўмдан 38 000 сўмгача харид қилишингиз мумкин.

Энг қиммат нарх бу ҳафтада ҳам Сурхондарё вилояти Термиз шаҳар Марказий деҳқон бозорида кузатилди – 1 кг қўй гўшти 42 000 сўмдан 44 000 сўмгача.

Товуқ гўшти
12 000 сўмдан 20 000 сўмгача

Энг арзон нарх Бухоро шаҳар Марказий деҳқон бозорида қайд этилди – 12 000 сўмдан 14 000 сўмгача.

Энг қиммат нархдаги товуқ гўшти эса Тошкентдаги “Миробод” деҳқон бозори ва Қорақалпоғистон Республикаси Нукус шаҳар Марказий деҳқон бозорида кузатилди – 14 000-20 000 сўм.

Гуруч
3 000 сўмдан 16 000 сўмгача

Энг арзон нарх Сурхондарёда, Термиз шаҳар Марказий деҳқон бозорида қайд этилган – 3 000 дан 14 000 сўмгача.

Энг қиммат нарх эса Тошкентдаги “Чорсу” деҳқон бозорида кузатилган – 5 500-16 000 сўм.

Ўсимлик ёғи
7 200 сўмдан 12 500 сўмгача

Энг арзон ўсимлик ёғи Тошкентдаги “Фарҳод” деҳқон бозорида кузатилди. Бу ерда сиз ўсимлик ёғини 7 200 сўмдан 11 500 сўмгача харид қилишингиз мумкин.

Энг қиммат нарх ҳам пойтахтда “Миробод” деҳқон бозорида қайд этилган – 12 500 сўмгача.

Ун
1 750 сўмдан 4 900 сўмгача

Энг арзон ун Тошкентнинг “Қўйлиқ” деҳқон бозорида бўлиб, унинг нархи 1 кг учун 1 750 – 3 350 сўм. 1-навли уннинг килограмми учун энг арзон нарх Термиз шаҳар Марказий деҳқон бозорида қайд этилган – 1 кг 1-навли ун нархи 1 500 сўмдан.

Энг қиммат нарх 1 килограмм олий навли ун “Миробод” деҳқон бозорида қайд этилди – 4 900 сўм. 1-навли уннинг килограмми учун эса энг қиммат нарх “Қўйлиқ” деҳқон бозори ва Урганч шаҳар Марказий деҳқон бозорида кузатилди – 4 000 сўмгача.

Шакар
4 300 сўмдан 5 500 сўмгача

Энг арзон нарх Тошкент шаҳридаги “Миробод” деҳқон бозорида кузатилди – 4 300 5 200 сўм.

1 кг шакар учун республикамиздаги энг қиммат нарх Термиз шаҳар Марказий деҳқон бозорида ва Бухоро шаҳар Марказий деҳқон бозорида қайд этилди – 5 000-5 500 сўм.

Тухум
350 сўмдан 700 сўмгача

Ўзбекистон бозорларида 1 дона товуқ тухумини ўртача 350 - 700 сўмдан харид қилишингиз мумкин.

Картошка
1 200 сўмдан 4 500 сўмгача

Энг арзон нарх пойтахтдаги “Чорсу”, “Фарҳод”, “Юнусобод” ва “Қўйлиқ” деҳқон бозорларида қайд этилди – 1 200 сўмдан 2 500 сўмгача.

1 кг картошка учун энг қиммат нарх Бухородаги Марказий деҳқон бозорида кузатилди – 3 000-4 500 сўмгача.

Помидор
5 000 сўмдан 17 000 сўмгача

Энг арзон нарх Термиз шаҳар Марказий деҳқон бозорида кузатилди – 5 000 сўмдан 8 000 сўмгача.

Энг қиммат нарх эса Наманган шаҳри “Сардоба” деҳқон бозорида қайд этилди – 10 000 дан 17 000 сўмгача.

Хўжалик совуни
1 000 сўмдан 3 500 сўмгача

Энг арзон нарх Намангандаги “Сардоба” деҳқон бозорида кузатилди. Бу бозорда сиз хўжалик совунини 800 сўмдан бошлаб (3 500 сўмгача) харид қилишингиз мумкин.

Энг қиммат нарх Урганч ва Жиззах шаҳарларидаги Марказий деҳқон бозорлари, Наманган шаҳридаги “Сардоба” ва Тошкентдаги “Юнусобод” деҳқон бозорларида қайд этилди – 800-3 500 сўм.