Лукашенко нархларни оширишни тақиқлади

Беларусь фуқароси Александр Лукашенко жорий йил 6 октябрдан бошлаб мамлакатда нархларни оширишни тақиқлашни буюрди. Бу ҳақда БелТА хабар берди.

“6 октябрдан бошлаб ҳар қандай нархларни ошириш тақиқланади. Бу бир кечада нархларнинг ошишига йўл қўймаслик учун. Шунинг боис бугундан бошлаб нархларни ошириш тақиқланади”, деди у иқтисодий блок билан инфляция бўйича йиғилишда.

Бош вазир ўринбосари Николай Снопков эътироз билдирмоқчи бўлганида, Лукашенко одамларни хурсанд қиладиган ишларни қилиш зарурлигини, улар “макродаража” ҳақида қайғурмаслигини айтди.

Александр Лукашенко бу қарорни қабул қилишга мажбур бўлганини, чунки мамлакатда “бугунги нархлар ўта юқори” ва ҳатто “шифтга тегиб кетгани”ни таъкидлади.

Беларусь Миллий банки маълумотларига кўра, 2025 йилнинг март ойида мамлакатда инфляция кескин кўтарила бошлаган. 2024 йилнинг декабрь ойида у 9 фоиз атрофида бўлган бўлса, 2025 йилнинг июлига келиб у аллақачон 17 фоиздан ошди.

Олдинроқ Лукашенко расмийлар пул эмиссиясига мурожаат қилишни режалаштирмаётганини, чунки бу муқаррар равишда нархларнинг ошишига олиб келишини айтган эди.

Эслатиб ўтамиз, аввалроқ Александр Лукашенко Гомель вилоятига сафари чоғида Беларусга хориждан келган меҳнат муҳожирлари ва уларнинг оила аъзоларига ўз оиласига қиладиган муносабатда бўлиш кераклигини айтганди.