Ўзбекистон Осиё ўйинларининг очилиш маросимида қатнашди (видео)

Бугун, 19 сентябрь куни Айчи-Нагоя-2026 XX ёзги Осиё ўйинларининг тантанали очилиш маросими бўлиб ўтди. Унда 396 нафар спортчидан иборат Ўзбекистон делегацияси ҳам иштирок этди.

ХХ ёзги Олимпия ўйинлари тантанали очилиш маросимида бокс бўйича жаҳон чемпиони Тўрабек Ҳабибуллаев ҳамда қиличбозлик бўйича Ханчжоу-2022 ёзги Осиё ўйинлари чемпиони Гулистон Пердебаева Ўзбекистон делегациясининг байроқдорлари бўлди.

2023 йилда Хитойнинг Ханчжоу шаҳрида ўтказилган сўнгги ёзги Осиё ўйинларида Ўзбекистон делегацияси 370 нафар спортчи спортчи билан иштирок этган. Ўзбекистонлик спортчилар мусобақада 22 та олтин, 18 та кумуш ва 31 та бронза – жами 71 та медаль билан умумжамоа ҳисобида Хитой, Япония, Жанубий Корея ва Ҳиндистондан кейин бешинчи ўринни эгаллаган.

Ҳукумат қарорига кўра, 2023 йилги ёзги Осиё ўйинларида олтин медальни қўлга киритган спортчилар 10 минг АҚШ доллари, кумуш медаль соҳиби бўлганлар 5 минг доллар, бронза медаль соҳиблари эса 2,5 минг доллар миқдорида пул мукофоти билан тақдирланган эди.

Маълумот учун, 2026 йилги Осиё ўйинлари Япониянинг Айти префектураси ва Нагоя шаҳрида бўлиб ўтмоқда. Мусобақанинг расмий очилиш маросими бугун, 19 сентябрь кунига, ёпилиш маросими эса 4 октябрга белгиланган. Бироқ мусобақа регламентига кўра, айрим жамоавий спорт турларидаги дастлабки учрашувлар расмий очилиш маросимидан олдин – 10 сентябрдан бошланган.