Ўзбекистон ўсмирлар Олимпия ўйинларини 8 та медаль билан якунлади

Кеча, 13 ноябрь куни Сенегалнинг Дакар шаҳрида бўлиб ўтган ўсмирлар Олимпия ўйинлари якунига етди. Унда Ўзбекистон делегацияси 8 та медаль – 2 та олтин, 4 та кумуш ва 2 та бронза медалини қўлга киритди.

Олтин медалларни боксчилар Сабрина Чакомонова (-54 кг) ва Рухшонабону Исаева (-60 кг) қўлга киритди.

Кумуш медаллар Шахзодбек Холмуродов (уч хатлаб сакраш), Паризода Талабова (найза улоқтириш), Жўрабек Эшпўлатов (дзюдо, -100 кг) ҳамда Асадбек Самандаров (таэквондо, -55 кг) ҳисобига ёзилди.

Бронза медалларига эса Нaргиза Ўтебаева (қиличбозлик) ва Муҳаммадисмоил Раҳмонов (сузиш, 200 метрга брасс усулида) сазовор бўлди.

Ўсмирлар Олимпия ўйинлари якуний медаллар жадвалида Ўзбекистон делегацияси 20-ўринни эгаллади. Медаллар жадвалида Хитой 33 та медаль билан биринчи, Япония 28 та медаль билан иккинчи ўринни эгаллади. Россия делегацияси эса 14 та медаль билан кучли учликда жой олди.