Усик UFC жангчиси билан уришмоқчи
Спорт
−
14 Февраль 2025 5832 1 дақиқа
Бокс бўйича оғир вазн тоифасида мутлақ жаҳон чемпиони, украиналик енгилмас боксчи Александр Усик 93 кг вазн тоифасида амалдаги УФС чемпиони бразилиялик Алекс Перейра билан жанг ўтказишни хоҳламоқда. Бу ҳақда “Eurosport”га берган интервьюсида айтди.
Дюбуа-Паркер тўқнашуви ғолиби билан жангдан кейин Алекс Перейра билан кўргазмали жанг ўтказасизми, деган саволга Усик “Бўлиши мумкин, нега жанг қилмаслигим керак”, деб жавоб берди.
Усикнинг сўнгги жанги 22 декабрь куни Ар-Риёдда бўлиб ўтди. Унинг рақиби британиялик Тайсон Фьюри бўлди. Жанг тўлиқ 12 раунд давом этди ва бир овоздан Александрнинг ғалабаси билан якунланди.
Шунингдек, Алекс Перейранинг ўзи ҳам Александр Усик билан жанг қилиш ғоясига қарши эмас.
Live
БарчасиЖиззахда 10 ёшли қиз зўрланди
06 Октябрь
Сергелидаги масжидга ўт кетди
03 Октябрь
