Александр Усик чемпионлик камарларидан воз кечди

Украиналик боксчи Александр Усик чемпионлик камарларидан воз кечди. Бу ҳақда у кеча, 27 июнь куни ўзининг Instagram саҳифасида маълум қилди.

Спортчи супероғир вазн тоифасида Халқаро бокс федерацияси (IBF), Бутунжаҳон бокс ассоциацияси (WBA) ва Бутунжаҳон бокс кенгаши (WBC) талқинларидаги камарларидан воз кечган.

“Бошқа йигитлар улар учун кураша олишлари учун мен уларни бўшатиб қўймоқчиман. Аммо бу ҳали тарихнинг якуни эмас”, дейди боксчи.

Жорий йилнинг 24 май куни Усик Нидерландия вакили Рико Верхувенни мағлуб этган эди. Ҳакамлар қайдларига кўра, ўн раунд якунларига кўра Усик очколар бўйича ютқазаётган бўлган. Жанг 11-раундда якунланди: нокаутдан олдин Усик Верхувенни нокдаунга учратди, рефери эса бонг овози билан бир вақтда жангни тўхтатди.

Ушбу ғалаба туфайли Усик WBC талқини бўйича жаҳон чемпионлиги унвонини ҳимоя қилди. Усик фаолиятидаги 25-жангни ютди. У мағлубиятсиз сериясини давом эттирмоқда.

Усик – оғир вазн тоифасида WBC, WBA, WBO, IBO, IBF ва The Ring талқинлари бўйича амалдаги жаҳон чемпиони. Биринчи ярим оғир вазнда (2018—2019) ва оғир вазнда икки карра (2024, 2025) мутлоқ жаҳон чемпиони ҳисобланади.