Ўқишни кўчириш бўйича имтиҳон саналари аниқ бўлди

Жамият 7746
image

Давлат тест маркази хориждан ўқишни кўчириш бўйича тест синовлари 23-25 август кунлари ўтказилиши ҳақида хабар берди. 

Қайд этилишича, тез орада  my.dtm.uz сайти орқали имтиҳонга кириш рухсатномасини кўчириб олиш мумкин бўлади. Рухсатномада эса қаерда ва қачон тест топширилиши юзасидан маълумотлар келтирилади. 

Имтиҳонлар бутун республика бўйлаб ўтказилади. Ким қайси ҳудудни танлаган бўлса, ўша ерда тест топширади. 

Ўқишни кўчиришда талаба ўзи танлаган йўналишга мос 2 та мутахассислик фанидан имтиҳон топширади. Ҳар бир фандан 30 та, жами 60 та савол берилади. 

Маълумот ўрнида, 2 та фанга жами 3 соат вақт ажратилади.

Диёра Абдураҳмoнова
Мақолага баҳо беринг
Баҳолаганлар: 555
Рейтинг: 3
Теглар
t
×