Туркияда 5 ойдан сўнг COVID-19га чалиниш бўйича антирекорд ўрнатилди

Олам 4011
image

Туркияда коронавирус билан боғлиқ ҳолатлар ортиб бормоқда. Кеча, 8 ноябрь куни мамлакатда апрель ойидан бери кузатилмаган антирекорд қайд этилди. Бу ҳақда Туркия Соғлиқни сақлаш вазири Фаҳриддин Хўжа ўзининг Twitter саҳифасида хабар берган. 

Вазирга кўра, кеча, 8 ноябрь куни 2 минг 516 кишида коронавирус аниқланган. Вафот этганлар сони яна 84 тага ортиб, жами 10 минг 887 нафарга етган. 

Хўжанинг аниқлик киритишича, бир кунда 2 минг 18 нафар бемор касалликдан фориғ бўлган. Мамлакатда 2 минг 740 нафар беморнинг аҳволи оғирлигича қолмоқда.

Эслатиб ўтамиз, Туркияда коронавирусга чалиниш ҳолатлари ортаётгани сабабли, 4 ноябрдан бошлаб карантин чоралари яна кучайтирилганди. 

Дунёда коронавирусга чалинганлар 50 миллиондан ошган. 1,2 миллиондан кўп бемор вирус қурбони бўлган.

Рушана Султонова
Мақолага баҳо беринг
Баҳолаганлар: 159
Рейтинг: 2.9
t
×