Тўқаев Бишкекка бориб, Жапаровга орден берди

Қозоғистон Президенти Қосим-Жомарт Тўқаев бугун, 22 август куни Бишкекдаги “Ынтымак Ордо” биносида Қирғизистон Президенти Садир Жапаровга Қозоғистоннинг олий давлат мукофоти – “Олтин Қирон”ни топширди.

Президент Қосим-Жомарт Тўқаев кеча, 21 август куни Қирғизистон Республикасига расмий ташриф билан борди. “Манас” халқаро аэропортида давлат раҳбарини Қирғизистон Президенти Садир Жапаров кутиб олди.

Бугун, 22 август куни Президентлар икки томонлама музокаралар ўтказди ҳамда Қозоғистон ва Қирғизистон Олий давлатлараро кенгашининг еттинчи йиғилишида иштирок этди.

Маълумот ўрнида, “Олтин Қирон” (“Олтин бургут”) ордени Қозоғистон Республикаси олдидаги беқиёс давлат хизматлари учун берилади ва мамлакатнинг энг олий даражадаги ажралиб туриши белгисидир. У илгари бошқа орденлар билан тақдирланган фуқароларга, шунингдек, Қозоғистон билан муносабатларни ривожлантиришга қўшган ҳиссаси учун хорижий давлатлар раҳбарларига берилади.

Эслатиб ўтамиз, 2022 йилда Озарбайжон Президенти Илҳом Алиев ва Қатар Амири шайх Тамим бин Ҳамад Ол Соний 2024 йилда Ўзбекистон Республикаси Президенти Шавкат Мирзиёев ушбу орден билан мукофотланган.