Тошкентда судья пора билан қўлга олинди
3-саҳифа
−
17 Февраль 2023 16346
Тошкент шаҳар жиноят ишлари бўйича Яшнобод туман суди судьяси 16 февраль куни 4 минг АҚШ доллари миқдоридаги пулни пора тариқасида олаётганда қўлга олинган. Шу ҳақда тарқалган хабарларни Судьялар олий кенгаши матбуот котиби Турсунали Акбаров QALAMPIR.UZ’га тасдиқлади.
Хабар қилинишича, бугун, 17 февраль куни Судьялар олий кенгашининг навбатдан ташқари йиғилиши бўлиб ўтди. Унда Бош прокурорнинг Тошкент шаҳар жиноят ишлари бўйича Яшнобод туман суди судьяси И.Б.ни Жиноят кодексининг 210-модда 2-қисми “в” банди билан жиноий жавобгарликка тортишга оид тақдимномаси муҳокама қилинди.
Кенгаш хулосаси билан И.Б.ни жиноий жавобгарликка тортишга розилик берилган ва унинг судьялик ваколати тўхтатилган.
“Тергов сири ва айбсизлик презумпцияси талабларидан келиб чиқиб, бошқа тафсилотлар ошкор қилинмайди”, дейилади хабарда.
Live
Барчаси
