Тимофеева WTA рейтингида 16 поғона юқорилади

Уимблдондаги иштироки ортидан Ўзбекистоннинг иккинчи ракеткаси Мария Тимофеева Аёллар теннис ассоциацияси (WTA)нинг янгиланган рейтингида 16 поғона юқорилади. Ҳозирда у 897 рейтинг очкоси билан жаҳоннинг 79-ракеткаси бўлиб турибди.

Ўзбекистоннинг биринчи рақамли теннисчиси Камилла Рахимова эса рейтингда саккиз поғона пастлади. У 906 очко билан 78-ўринни эгаллаб турибди ва мамлакатнинг энг юқори ўриндаги теннисчиси мақомини сақлаб қолди.

Шунингдек, Ўзбекистон шарафини ҳимоя қилаётган Полина Кудерметова ҳам WTA рейтингида тўрт поғона юқорилаб, 109-ўринга кўтарилди.

Шу тариқа, янгиланган рейтингда Ўзбекистоннинг энг яхши уч теннисчиси қуйидагича жойлашди:

• Камилла Раҳимова – 78-ўрин (906 очко);
• Мария Тимофеева – 79-ўрин (897 очко);
• Полина Кудерметова – 109-ўрин (708 очко).

Беларуслик Арина Сабаленка томонидан эълон қилинган янгиланган жаҳон рейтингида биринчи ўринни сақлаб қолди.

Сабаленка жами 99 ҳафта давомида жаҳон рейтинги пешқадами бўлиб турибди. Шу тариқа у уч карра “Катта дубулға” турнири ғолиби ва 1996 йилги Олимпия ўйинлари чемпиони америкалик Линдси Дэвенпортни ортда қолдирди.

Дэвенпорт ўз вақтида 98 ҳафта давомида рейтингнинг биринчи поғонасини эгаллаган эди.