Татаристонда нефть бакининг портлаши оқибатида икки киши ҳалок бўлди
Олам
−
30 Июнь 2023 3106
Татаристоннинг Заинский тумани Старое Маврино қишлоғида нефть маҳсулотлари солинган бўш цистерна портлаб кетди. Оқибатда икки киши ҳалок бўлди. Бу ҳақда Фавқулодда хизматлар ТАСС агентлигига маълум қилди.
“Елоховнефть” товар-хомашё паркида нефть маҳсулотлари сақланадиган бўш идиш портлаб кетди. Икки киши ҳалок бўлди", дейди агентлик суҳбатдоши.
Портлашдан кейин ёнғин келиб чиққан ва дарҳол бартараф этилган.
Шунингдек, икки кишининг ўлими юзасидан Россия Федерацияси Тергов қўмитасининг Татаристон Республикаси бўйича тергов органлари Жиноят кодексининг 217-моддаси (портловчи қурилмаларда хавфсизлик қоидаларини бузиш) билан жиноий иш очилган.
“Терговчилар воқеа жойини кўздан кечирмоқда, зарур экспертизаларни тайинлаш масаласи ҳал қилинмоқда”, дейилади хабарда.
Ҳалок бўлган икки нафар ишчи 1976 ва 1987 йилларда туғилгани аниқланган. Уларнинг оилаларига зарурий ёрдам кўрсатилган.
Live
Барчаси
