Tashkent City’даги “дом”да ёнғин чиқди (видео)
3-саҳифа
−
23 Январь 4263
Тошкент шаҳрининг Шайхонтоҳур туманида жойлашган Tashkent City ҳудудидаги кўп қаватли уйда ёнғин содир бўлди. Бу ҳақда Тошкент шаҳар Фавқулодда вазиятлар бошқармаси хабар берди.
Қайд этилишича, бугун, 23 январь куни соат 19:49 да Шайхонтоҳур туманининг Ботир Зокиров кўчаси – Tashkent City ҳудудида жойлашган 9 қаватли уйнинг том қисми ёнаётгани тўғрисида ФВБга хабар тушган. Шунга кўра, ёнғин-қутқарув техникалари айтилган манзилга соат 19:53 да етиб бориб, ёнғин соат 20:03 да қуршаб олинган ва соат 20:05 ўчирилган.
Билдирилишича, ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар миқдори аниқланмоқда.
Эслатиб ўтамиз, аввалроқ Тошкент шаҳар Чилонзор тумани Кичик халқа йўли кўчасида жойлашган гўзаллик салони том қисмида ёнғин содир бўлган эди. Ҳодиса оқибатида тан жароҳати олганлар бўлмаган.
