Тарихда илк бор аёл киши Марокаш Бош вазири бўлди

Кеча, 29 сентябрь куни Марокаш подшоҳи Муҳаммад VI Фотима Заҳро ал-Мансурийни Марокаш Бош вазири лавозимига тайинлади. Шу тариқа у мамлакат тарихидаги биринчи аёл Бош вазирга айланди. Бу ҳақда “Al Jazeera” хабар берди.

Қайд этилишича, Шаҳарсозлик вазири ва Марракеш шаҳри мэри лавозимини эгаллаб келаётган 50 ёшли ал-Мансурийга янги ҳукуматни шакллантириш топширилган. У араб дунёсида бундай лавозимни эгаллаган иккинчи аёл бўлган. Сиёсатчининг ўзи ўз мурожаатида содир бўлган воқеани тарихий деб атаган.

“Мамлакатимиз тарихида илк бор аёл киши ҳукуматга раҳбарлик қилиш масъулиятини ўз зиммасига олмоқда. Бу нафақат мен учун, балки барча марокашлик аёллар учун фахрланишга сабабдир”, дейди у.

Тайинлов ўтган ҳафтада бўлиб ўтган сайловлар натижалари эълон қилинганидан тўрт кун ўтиб юз берган – “Ҳаққонийлик ва модернизация” партияси Вакиллар палатисидаги 395 та ўриндан 97 тасини қўлга киритиб, биринчи ўринни эгаллаган.

Эслатиб ўтамиз, аввалроқ Япониянинг собиқ ички ишлар вазири Санаэ Такаичи ҳукмрон Либерал-демократик партия раҳбарлигига сайловда ғалаба қозониб, мамлакатнинг илк аёл бош вазирига айланган эди.