Таэквондочи Светлана Осипова Олимпиада финалига чиқди
Спорт
−
10 Август 6367
2024 йилги Париж ёзги Олимпиада ўйинлари тугашига оз фурсатлар қолди. Францияда ўтаётган ушбу спорт мусобақаларининг таэквондо баҳсларида ўзбекистонлик Светлана Осипова (+67 кг) ярим финалда кореялик Ли Дабинни 2:0 (3:3, 9:3) ҳисобида мағлубиятга учратди. Шу тариқа Осипова финалга йўл олди ва камида кумуш медални нақд қилди.
Энди у сўнгги ҳал қилувчи финал жангида франциялик Алтея Лаурин билан беллашади. Олимпиаданинг олтин медали учун ўтадиган мазкур тўқнашув, 11 август куни соат 00:37 да старт олади.
Бироз олдин Олимпиада ўйинларининг оғир атлетика баҳсларида ўзбекистонлик Акбар Жўраев иштирок этиб, кумуш медалга сазовор бўлганди.
Live
Барчаси
