Сурхондарёда аёл ўзи танимаган 3 яшар қизчани пичоқлаб ўлдирди (видео)
3-саҳифа
−
06 Май 17551 1 дақиқа
Жорий йилнинг 1 май куни Сурхондарё вилоятининг Денов туманида аёл ўзи танимаган 3 ёшли қизни ҳеч бир сабабсиз пичоқлаб ўлдирди. Ҳолат юзасидан QALAMPIR.UZ сўровига асосан Бош прокуратура матбуот котиби Ҳаёт Шамсутдинов маълумот берди.
Маълум қилинишича, Денов туманида 3 ёшли қизга ҳеч бир сабабсиз ошхона пичоғи билан ҳаёт учун хавфли бўлган оғир тан жароҳатларини етказган аёлга нисбатан Жиноят кодексининг 97-моддаси (қасддан одам ўлдириш) билан жиноят иши қўзғатилган.
Олинган тан жароҳатлари оқибатида қиз туман тиббиёт бирлашмасида вафот этган.
Гумонланувчи аёл процессуал тартибда ушланган. Олинган дастлабки маълумотларга кўра, аёл руҳий касалликлар диспансерида рўйхатда турган.
Билдирилишича, тергов ҳаракатлари давом этмоқда.
Эслатиб ўтамиз, аввалроқ Тошкент вилоятининг Олмалиқ шаҳрида аёл рашк сабаб ўз танишини 5 марта пичоқлаб, унинг ҳаётига зомин бўлган эди.
Live
Барчаси
