Суперлиганинг энг яхши футболчилари эълон қилинди

Тошкентнинг “Пахтакор” жамоаси ҳужумчиси Игорь Сергеев Ўзбекистон Суперлигасида ортда қолган мавсумнинг “Йилнинг энг яхши футболчиси” деб топилди. Бу ҳақда Ўзбекистон профессионал футбол лигаси матбуот хизмати хабар берди.

32 ёшли форвард ортда қолган мавсумда Суперлигада 20 та гол билан тўпурарга айланган эди. Натижада Игорь 8 йиллик танаффусдан сўнг Ўзбекистон чемпионатида маҳаллий тўпурар бўлган ўйинчига айланди.

Сергеев “Пахтакор” билан якунига етган мавсумда Ўзбекистон кубогида ғолиблигини ва Суперлигада жамоаси билан кумуш медалларни қўлга киритди.

Шунингдек, Жиззахнинг “Суғдиёна” жамоаси футболчиси Люпчо Дориев “Йилнинг энг яхши хорижлик футболчиси” совринини қўлга киритди. 

Шимолий македониялик футболчи бу мавсум Суперлигада 30 та баҳсда 16 та гол ва 9 та голга ассистентлик қилган. Бундан ташқари, Самарқанднинг “Динамо” жамоаси футболчиси Фирдавс Абдураҳмонов  Суперлиганинг энг яхши ёш футболчиси деб топилди.

20 ёшли футболчи бу мавсум самарқандликлар сафида Суперлигада 23 баҳсда майдонга тушиб, 6 гол ва 3 голли узатма қайд этган.

Эслатиб ўтамиз, аввалроқ Фарғонанинг “Нефтчи” жамоаси  собиқ бош мураббийи Виталий Левченко Ўзбекистон Суперлигасида ортда қолган мавсумнинг “Йилнинг энг яхши мураббийи” деб топилган эди.