Спаллетти “Ювентус”ни бошқаришга рози бўлди – Романо

“Наполи” ва Италия терма жамоасининг собиқ бош мураббийи Лучано Спаллетти “Ювентус” клубини бошқаришга рози бўлди. Бу ҳақда инсайдер Фабрицио Романо хабар берди.

Маълум қилинишича, Спаллетти туринликлар билан оғзаки келишувга эришган ва томонлар ҳозирда шартнома тафсилотларини муҳокама қилмоқда. Шартнома 2026 йил ёзигача мўлжалланган бўлиб, агар “Ювентус” 2026-2027 йилги Чемпионлар лигасига йўлланма олса, шартнома автоматик равишда яна бир мавсумга узайтирилади.

Спаллетти сўнгги бор Италия терма жамоасида ишлаган, ундан аввал эса “Наполи”ни А Серия чемпионига айлантирган эди. У, шунингдек, “Интер”, “Рома” ва бошқа бир қанча клубларда ҳам фаолият юритган. Аввалроқ, мутахассис “Ювентус”дан келган бир нечта таклифларни рад этгани ҳам маълум қилинган.

Эслатиб ўтамиз, жамоани шу йилнинг март ойидан бери Игор Тудор бошқарган эди, бироқ саккиз ўйиндан иборат ғалабасиз ва Сўнгги тўртта ўйиндаги гол сериядан сўнг истеъфога чиқарилган эди.