Шарль Мишель ишдан кетиш билан боғлиқ қарорини ўзгартирди
Олам
−
27 Январь 2754
Европа Кенгаши раҳбари Шарль Мишель 2024 йилнинг июнь ойида Европа парламентига бўлиб ўтадиган сайловлардан ўз номзодини қайтариб олди. Сиёсатчи ўз қарорини кеча, 26 январь куни Facebook'даги саҳифасида маълум қилди.
“Менинг танловим оммавий ахборот воситаларида катта эътибор ва тахминларга сабаб бўлди. Ёндашувимнинг мисли кўрилмаган табиатини ҳисобга олган ҳолда, мен ниманидир олдиндан кўрардим. Лекин бу ҳам кучли реакцияга сабаб бўлди – Европа Кенгаши доирасида эмас, балки ундан ташқарида”, деб ёзган Мишель Европарламентга ўз номзодини қўйиш ҳақидаги аввалги қарорига изоҳ бераркан.
Унинг сўзларига кўра, Европа Кенгаши раҳбари лавозимида қолиш қарорига айнан унинг муддатидан олдин истеъфога чиқиши эҳтимоли сабаб бўлган кескин муносабат туфайли келган ва у ўзининг кетишидан Европа кенгашини парчалаш учун фойдаланишларига йўл қўймоқчи эмаслигини айтган.
Маълумот учун, Шарль Мишель 2019 йилда Европа Кенгаши раиси лавозимида польшалик сиёсатчи Дональд Туск ўрнига келган. Европа Кенгаши раҳбари лавозимининг ўзи Лиссабон шартномасига мувофиқ, тахминан 15 йил аввал ташкил этилган. Мишелнинг Европа кенгаши президенти сифатидаги ваколати 2024 йилнинг ноябрида тугайди.
7 январь куни Шарль Мишель ОАВга берган интервьюсида ёзги Европа сайловларида Бельгия либераллари вакили сифатида иштирок этиш ниятида эканини айтган. Агар Мишель сайланса, у Европа Кенгаши раҳбари лавозимини ва Европа парламентарийси ўрнини бирлаштира олмайди. Бундай можарога йўл қўймаслик учун ЕИга аъзо давлатлар раҳбарлари Мишель ўрнига ворис номзодини олдиндан келишиб олишлари керак эди.
Бу Венгрия Бош вазири Виктор Орбан учун вақтинчалик ЕИ Кенгашига раислик қилиш имкониятини очарди, чунки Венгрия 2024 йилнинг июлидан декабригача ЕИ кенгашига раислик қилиши керак. Таъкидлаш жоизки, Орбан кўпинча Европа Иттифоқининг умумий сиёсатига қарши чиқади. Хусусан, декабрь ойида Венгрия Украинага 2027 йилгача 50 миллиард евро миқдорида макромолиявий ёрдам ажратишни блоклаб, ушбу қарорга вето қўйишга муваффақ бўлган.
Live
Барчаси
