Руслан Нуриддинов икки карра жаҳон чемпионига айланди
Спорт
−
16 Декабрь 2022 10127
Айни кунларда Колумбия пойтахти Богота шаҳрида оғир атлетика бўйича Жаҳон чемпионати баҳслари бўлиб ўтмоқда. Мусобақанинг -109 кг вазнида Руслан Нуриддинов Ўзбекистон шарафини ҳимоя қилди.
Нуриддинов даст кўтариш машқида 177 кг, силтаб кўтаришда 220 кг ва умумий ҳисобда 397 кг билан ўз вазн тоифасида 3 та йўналишда олтин медални қўлга киритди. Мазкур натижа ўзбекистонлик спортчи фаолиятида дунё биринчилигидаги иккинчи чемпионлик ҳисобланади. Колумбиядаги мундиалда Нуриддинов энг яқин таъқибчисини 8 кгга ортда қолдирди.
Оғир атлетика бўйича ЖЧ
Эркаклар, -109 кг:
1.Руслан Нуридинов (Ўзбекистон) - 397 (177+220) кг;
2. Гиорги Чхеидзе (Грузия) - 389 (170+219) кг;
3. Рафаэль Кастильо (Колумбия) - 388 (174+214) кг.
Live
Барчаси
