Ўзбекистонлик боксчилар Жаҳон чемпионатида 10 та медални қўлга киритди

Испаниянинг Ла Нусия шаҳри мезбонлик қилган бокс бўйича ёшлар ўртасидаги Жаҳон чемпионати баҳслари якунланди. Ўзбекистонлик 8 нафар боксчи мундиалнинг финал жангида иштирок этди.

Умумий ҳисобда Ўзбекистон делегацияси 5 та олтин, 3 та кумуш ва 2 та бронза медални қўлга киритди.

-48 кгда Гулсевар Ғаниева турнирда 1-ўринни қўлга киритган ягона ўзбекистонлик аёл боксчи бўлди.

Эркаклар ўртасида -57 кгда Бахтиёр Асадов , -67 кгда Жавоҳир Умматалиев, -71 кг ванзда Фазлиддин Эркинбоев  ва -75 кг вазн тоифасида Тўрабек Ҳабибуллаев ёшлар ўртасида жаҳон чемпиони бўлди.

Испаниядаги Жаҳон чемпионатида совриндор бўлган ўзбекистонлик боксчилар рўйхати:

Олтин: 

-48 кг: Гулсевар Ғаниева;

-57 кг: Бахтиёр Асадов;

-67 кг: Жавоҳир Умматалиев;

-71 кг: Фазлиддин Эркинбоев;

-75 кг: Тўрабек Ҳабибуллаев.

Кумуш: 

-80 кг: Раҳматилло Бойматов;

-70 кг: Азиза Зокирова;

-81 кг: Олтиной Сотимбоева.

Бронза: 

-54 кг: Хўжаназар Нортожиев;

-75 кг: Саҳобат Ҳусанова.