Россиянинг Украина шарқидаги ҳаракатлари БМТ Низомини бузади – Гутерриш

Олам

image

БМТ Бош котиби Антониу Гутерриш Россиянинг Украина шарқида, Донбассга қўшин киритиши ташкилот Низоми тамойилларига зид эканини таъкидлади. Бу ҳақда ташкилот раҳбари БМТ Хавфсизлик кенгаши йиғилиши якунлари бўйича журналистларга маълум қилди.

“Бу уруш маъносиз. Бу БМТ Низоми тамойилларига зиддир”, дейди Гутерриш.

Гутерришнинг қайд этишича, агар қарор глобал урушга олиб келса, нима бўлиши ҳақида башорат қилиш қийин.

“Кўп одамлар ўлиб, уйларини ташлаб кетишга мажбур бўладилар ва келажакка умидларини йўқотадилар. Бунинг оқибатлари бўлиши аниқ. Ва менга бу урушнинг маъноси йўқлиги аниқ. Бу ҳаракат БМТ Низоми тамойилларига зиддир. Агар уруш тўхтатилмаса, Европада катта азоб-уқубатлар келтириши мумкин”, дейди у.

Гутерришнинг таъкидлашича, у шахсан урушни тўхтатишга чақириши мумкин, аммо низом бўйича БМТ Хавфсизлик Кенгаши ҳам бу масала юзасидан ваколатга эга.

Аввалроқ, Россия Президенти Владимир Путин Украина шарқида Донбассда рус ҳарбийлари махсус ҳарбий операция бошлаганини эълон қилганди. Путин бу ҳаракатини Украина шарқидаги россияпараст сепаратист кучлар раҳбарлари шундай сўров юборгани билан оқлади.

Сўнгра, Зеленский Россия фуқароларига рус тилида мурожаат қилиб, украинларга “на совуқ, на иссиқ, на гибрид уруш керак эмас”лигини, украинлар ҳужумчиларни кутиб олишга тайёрлигини билдирди.

Украина ИИВ маслаҳатчиси эса Киев ва Харьковга ракета ҳужуми уюштирилганини маълум қилди. Президент Зеленский мамлакатда ҳарбий ҳолат эълон қилди. Шунингдек, расмий идора рус қўшинлари Харьков ва Одесса вилоятига кирганини маълум қилди.

ЛХР Ички ишлар вазири маслаҳатчиси Виталий Киселев эса Счастье ва Станица шаҳарчалари ЛХР назоратига ўтганини эълон қилди. 

Эслатиб ўтамиз, 21 февраль куни Россия Президенти Владимир Путин Кремлда Украина шарқидаги ўзини мустақил деб эълон қилган Луганск халқ республикаси (ЛХР) ва Донецк халқ республикасини (ДХР) тан олиш тўғрисидаги фармонни имзолади. 

Путиннинг фавқулодда қарори ортидан АҚШ, ЕИ, Канада, Австралия, Буюк Британия ва Япония расмийлари ҳам Россияга қарши санкциялар киритди.


Мақола муаллифи

Теглар

Россия-Украина уруши Украинага босқин

Баҳолаганлар

115

Рейтинг

3

Мақолага баҳо беринг

Дўстларингиз билан улашинг

online_predictionLive

Барчасиcall_made