Россияда яна сафарбарлик эълон қилиниши мумкинми?

Олам 5684
image

Россияда Укрианадаги урушга яна сафарбарлик эълон қилиниши мумкинми? Ушбу саволга Россия Президенти матбуот котиби Дмитрий Песков бугун, 21 ноябрь куни жавоб берди.  

“Бу ҳақда ҳеч қандай муҳокама йўқ”, дейди Кремль вакили журналистларга. 

У Россия Мудофаа вазирлиги номидан гапира олмаслигига аниқлик киритди, бироқ “Кремлда бу масала бўйича ҳеч қандай муҳокама йўқлигини” таъкидлади. 

Жорий йилнинг 28 октябрь куни Россия Мудофаа вазири Сергей Шойгу Президент Владимир Путинга Россияда 21 сентябрда бошланган қисман сафарбарлик якунлангани ҳақида ҳисобот берди. Шойгунинг сўзларига кўра, қисман сафарбарликка белгиланган 300 минг киши ҳарбий хизматга чақирилган, қисман сафарбарлик доирасида қўшимча вазифалар режалаштирилмаган.

Qalampir.uz Tahririyati
Мақолага баҳо беринг
Баҳолаганлар: 228
Рейтинг: 2.9
Теглар
t
×