Россия Лавровдан ғазабланган Исроилнинг ўзига айблов қўйди

Олам 15139
image
-

Россия Ташқи ишлар вазирлигига кўра, Исроил “неонацистлар режими” шаклланган ва “антисемитизм гуллаб-яшнаган” Киевни қўллаб-қувватламоқда. Бу ҳақда вазирлик хабарида айтилади. 

Вазирлик Исроил Ташқи ишлар вазири Яир Лапиднинг яҳудийларнинг “Холокост пайтида бир-бирларини ўлдирмагани”ни ҳақидаги гапларига изоҳ бериб, яҳудийларни антисемитизмда айблаш “яҳудийларга қарши ирқчиликнинг энг паст даражасини” кўрсатиш эканини таъкидлаган. 

Эслатиб ўтамиз, Россия Ташқи ишлар вазири Сергей Лавров Украина Президенти Владимир Зеленский яҳудий бўлса, уни қандай қилиб “миллатчилик қилиш”да айблаш мумкинлиги ҳақидаги саволга жавобан Адольф Гитлерда ҳам “яҳудий қони бор эди”, дея жавоб берганди. 

Исроил Ташқи ишлар вазири Россия ҳукуматидан вазирнинг бу сўзлари учун Исроил ва яҳудий халқидан кечирим сўрашни талаб қилди. Россия ТИВ Лапиднинг баёнотларини “тарихга қарши” деб атаган. Улар тарихда яҳудийлар ва нацистлар ўртасидаги ҳамкорлик мисоллари бўлганини эслаган. 

Россия ТИВ Владимир Зеленский 2020 йилда имзолаган “Украинада антисемитизмнинг олдини олиш ва унга қарши курашиш тўғрисида”ги қонун мавжудлигига қарамай, унинг қоидаларига амал қилинмайди, деб ҳисобламоқда.

Зеленский, ўз навбатида, Лавровнинг сўзларини “антисемитик ҳужум” деб атаган.

Рушана Султонова
Мақолага баҳо беринг
Баҳолаганлар: 659
Рейтинг: 3
Теглар
t
×