Роналду можароси давом этади. МЮ ёшлари ундан норози 

“Манчестер Юнайтед”нинг ёш футболчилари клубнинг португалиялик ҳужумчиси Криштиану Роналдудан норози. Бу ҳақда “The Athletic” нашри хабар берди.

Маълум қилинишича, клубнинг айрим футболчилари португалиялик ҳужумчининг бир неча кун аввал берган интервьюсида ёш футболчилар ҳақида танқидий фикр билдирганидан норози бўлишган. Ҳаттоки, Эдинсон Кавани инглиз тилини яхши билмаса ҳам, ёш футболчилар билан тил топишиши осонроқ.

Агар “Қизил иблислар” UEFA Чемпионлар лигасига йўлланма олмаса, Роналду клубдан кетиши ҳақида хабар берилган эди. Португалиялик футболчи еврокубокларда 6 марта ғолиб бўлган ва яқинда вафот этган “Реал” афсонаси Франсиско Хентонинг рекордини янгиламоқчи. Криштиану 5 марта ЕЧЛ бош совринига эга чиққан.

Эслатиб ўтамиз, жорий йилнинг 19 январь куни Роналду “Манчестер Юнайтед” бош мураббийи Ральф Рангник “Брентфорд”га (3:1) қарши қолдирилган ўйинда уни алмаштиргани учун норози бўлган эди.

Маълумот учун, 36 ёшли Роналду жорий мавсум АПЛда 17 та ўйинда майдонга тушган ва 8 та гол уриб, 3 та голли узатмани амалга оширган. МЮ эса турнир жадвалида 7-ўринда бормоқда.