Рим папаси Дарья Дугинанинг ўлдирилишига муносабат билдирди

Олам

image
0:00
0:00
download

Рим папаси Франциск Дарья Дугинанинг ўлимидан афсусда эканини айтиб, уни “айбсиз қурбон” деб атади. Бу ҳақда ANSA агентлиги ёзмоқда. 

"Мен Москвада машина ўриндиғи остига ўрнатилган бомба билан портлатилган бечора қиз ҳақида ўйлаяпман. Уруш учун бегуноҳлар бадал тўламоқда", дейди у.

Франциск ўз фикрларини Россия ва Украинага қаратганини айтди.  

"Мен Худонинг онаси, бу икки севикли мамлакатга қарашини ва уларни барчамизга жуда муҳтож бўлган тинчликка олиб боришини сўраб дуо қиламан", дейди у.

У, шунингдек, Яман ва Суриядаги можароларни ҳам эслаб, қурол сотувчиларни “инсониятни ўлдирадиган жиноятчилар” деб атаган.

Эслатиб ўтамиз, жорий йилнинг 20 август куни рус файлсуфи ва сиёсатчиси Александр Дугиннинг қизи Дарья Дугина Toyota Land Cruiser автомобилига ўрнатилган қўлбола портловчи учкуна портлаши оқибатида вафот этди. 

Ўша куни Дугина отаси билан бирга Президентнинг Маданий ташаббуслар жамғармаси, Москва вилояти Маданият ва туризм вазирлиги ҳамда Одинцово маъмурияти томонидан қўллаб-қувватланаётган “Анъана” ватанпарварлик фестивалида қатнашган. Тадбир тугагандан сўнг, Дугин ва қизи бирга кетиши керак бўлган, бироқ маълум бир сабабларга кўра, улар бошқа-бошқа машиналарда йўлга чиққан.

Тан олинмаган Донецк халқ республикаси раҳбари Денис Пушилин ўзининг Telegram'даги саҳифасида Дарья Дугинанинг ўлимида Украинани айблаб чиқди. 

Россия Федерал хавфсизлик хизматига кўра, Дарья Дугинанинг ўлдирилишини Украина махсус хизматлари тайёрлаган, ижрочи жиноятдан кейин Эстонияга қочиб кетган Украина фуқароси Наталья Вовк. 

Қотиллик содир бўлган куни Вовк ва Шабан "Анъанавий" адабий ва мусиқа фестивалида бўлишди, у ерда Дугина фахрий меҳмон сифатида иштирок этди. 21 август куни Дугина бошқарувидаги Toyota Land Cruiser Prado автомобилининг бошқариладиган портлашидан сўнг, Вовк ва унинг қизи Псков вилояти орқали Эстонияга жўнаб кетган.

Махфий хизматнинг аниқлик киритишича, Дугинанинг ўлдирилишини уюштириш ва унинг турмуш тарзи ҳақида маълумот олиш мақсадида Вовк ва унинг қизи Москвада марҳум яшаган уйда квартира ижарага олган. Жиноятчилар журналистни кузатиш учун Mini Cooper автомобилидан фойдаланган. Шу билан бирга, Россияга киришда Донецк Халқ Республикаси рақамлари ишлатилган - E982XN DPR, Москвада – Қозоғистон рақамлари 172AJD02 ва чиқишда – Украина AH7771IP.  

Президент Владимир Путин Дарья Дугинанинг оиласига ҳамдардлик мактубини йўллади ва марҳума журналистни "Жасорат" ордени билан тақдирлади.


Мақола муаллифи

Теглар

Рим папаси Дарья Дугина

Баҳолаганлар

93

Рейтинг

3

Мақолага баҳо беринг

Дўстларингиз билан улашинг