Расман: Рамос Мексика клубига кўчиб ўтди (видео)

Спорт

−

07 Февраль 2025 visibility2757 timer1 дақиқа

Испания терма жамоаси собиқ ҳимоячиси Серхио Рамос Мексиканинг “Монтеррей” клуби аъзосига айланди. Бу ҳақда клуб матбуот хизмати хабар берди.

Эркин агент бўлган 38 ёшли ҳимоячи янги клуби билан бир йиллик шартнома имзолади. Ҳимоячи 93-рақамда ҳаракат қилади.

Қайд этиш жоиз, Рамос 2024 йилнинг май ойидан бери майдонга тушмай келяпти. Унинг сўнгги жамоаси “Севилья” бўлди.

Маълумот учун, ўтган мавсумда ҳимоячи “Севилья” сафида барча турнирлар доирасида 37 та ўйин ўтказиб, 7 та гол урди ва 1 та голли узатмани амалга оширди. Футболчи асосан Мадрдининг “Реал” клубидаги ёрқин фаолияти билан танилган. “Transfermarkt” Рамоснинг қийматини 1,8 миллион еврога баҳоламоқда.

Эслатиб ўтамиз, аввалроқ “Реал”нинг бошқа бир афсонавий ҳимоячиси Марсело фаолиятини якунлагани хабар қилинганди.

Мақола муаллифи