Путин Ким Чен Инга автомобиль совға қилди
Олам
−
20 Февраль 19181
Россия Президенти Владимир Путин Шимолий Корея етакчиси Ким Чен Инга Россияда ишлаб чиқарилган автомобилни совға қилди. Бу ҳақда Корея марказий ахборот агентлиги хабар берди.
Агентлик машинанинг маркаси ва моделига аниқлик киритмаган.
Қайд этилишича, Путиннинг совғасини 18 февраль куни Шимолий Корея етакчисининг синглиси, Корея Меҳнат партияси марказий қўмитаси бўлим бошлиғи ўринбосари Ким Ё Чжон ва Марказий қўмита котиби Пак Чонг Чон қабул қилган.
Ким Чен Иннинг синглиси Владимир Путиннинг совғаси мамлакатлар раҳбарлари ўртасидаги “алоҳида дўстона муносабатлардан далолат бериш”ини таъкидлаган.
Эслатиб ўтамиз, январь ойида Шимолий Корея расмийлари Владимир Путин КХДР Ташқи ишлар вазири Чой Сонг Хуи билан суҳбатда яқин келажакда Пхенянга ташриф буюришга тайёрлигини айтгани ҳақида хабар берган эди. Россия Президенти матбуот котиби Дмитрий Песков Кремль Президентнинг КХДРга ташрифи “яқин келажакда” амалга ошишига умид қилишини айтди. Саналар дипломатик каналлар орқали келишиб олинади.
Live
Барчаси
