Перес “Ювентус”га ўтишимни бекор қилмоқчи бўлган – Роналду

north_east

Футболнинг катта қироли 40 ёшни қаршилади

“Ал-Наср” ҳужумчиси Криштиану Роналду “Реал” президенти Флорентино Перес қандай қилиб Туриннинг “Ювентус” клубига ўтишни бекор қилмоқчи бўлганини айтди.

“Биз “Ювентус” билан музокараларнинг сўнгги босқичида эдик ва Перес мен билан унчалик яхши муносабатда бўлмади, буни тушунаман, чунки у доим шундай қилади. Мен “Реал”да қололмасдим, чунки мен “Ювентус”га сўз берган эдим ва президент фикримдан қайтармоқчи бўлди. Мен Флорентинони жуда ҳурмат қиламан, у жиддий инсон, умуман олганда у менга яхши муносабатда бўлди, биз бирга кўп ютуқларга эришганмиз”, дейди Роналду.

Маълумот учун, Роналду 2009 йилдан 2018 йилгача “Реал”да ўйнаган, шундан сўнг “Ювентус”га ўтган эди. Унинг “Ал-Наср” билан амалдаги шартномаси 2025 йилгача мўлжалланган. Жорий мавсумда Роналду барча турнирларда 25 та ўйин ўтказиб, 23 та гол урди ва 4 та голга ассистентлик қилди.

Қайд этиш жоиз, бугун, 5 февраль куни Криштиану Роналду 40 ёшни қарши олди. Бугунгача футболчи “Реал”дан ташқари “Спортинг” ва “Манчестер Юнайтед”даги ёрқин фаолияти билан танилган.