Пашинян парламент йиғилишида жазавага тушди (видео)

Арманистон Бош вазири Никол Пашинян мамлакат Миллий Мажлисидаги чиқиши чоғида ҳукуматнинг бюджет сиёсатини танқид қилган мухолифатга жавоб берар экан, ўз ҳис-туйғуларини жиловлай олмади. Мажлис жонли тарзда эфирга узатилди.

Маълум қилинишича, Пашиняннинг чиқиши чоғида унга мухолифат томонидан бюджет сиёсати ҳақида танқидий фикрлар билдирилган. Шундан сўнг, мамлакат Бош вазири асабийлашиб кетган.

“Одамлар, улар бюджетни тўлдиришмоқда. Уларни қаерга қўямиз? Чўнтагимизга?” деган Пашинян қўлларини силкитиб.

Қолаверса, у бетартиб нутқи чоғида рақибларига ўзининг ўрнида бўлиб кўришни ва ҳукумат “бюджетни тўлдиргани, тўлдираётгани ва бундан кейин ҳам тўлдиришини айтган” ҳамда оппозицияни ноўрин танқид қилаётганликда ва асоссиз айбловлар қўяётганликда айблаган.

Шунингдек, парламентда Пашинян Арманистон Озарбайжон билан тинчлик шартномаларини имзолашга тайёрлигини ҳам қўшимча қилган.

Эслатиб ўтамиз, аввалроқ Арманистон Бош вазири Никол Пашинян мамлакат мадҳиясидаги мисралар тартибини Арманистон шон-шуҳратига оид сўзлар билан якунланиши учун ўзгартиришни таклиф қилганди.