Олмаотада яна зилзила бўлди
Олам
−
30 Январь 7588
Қозоғистонда 2 баллик зилзила содир бўлди. Бу ҳақда “Inform. kz” нашри хабар берди.
Бугун, 30 январь куни Олмаотада маҳаллий вақт билан 04:27 лар атрофида зилзила юз берган. Сейсмологлар зилзила кучини 2 баллга баҳоламоқда.
Зилзила магнитудаси 4,5 ни, чуқурлиги эса 10 км.ни ташкил қилган. Унинг эпицентри Олмаота шаҳридан 293 километр жануби-шарқда Хитой ҳудудида жойлашган.
Қайд этилишича, Хитойда тунда ва эрталаб яна бир неча бор зилзила бўлган. Шулардан охиргиси Остона вақти билан 07:44 да кузатилган, аммо бу Қозоғистон ҳудудида сезилмаган.
Эслатиб ўтамиз, аввалроқ Олмаотада беш балли зилзила оқибатида 44 киши жабрланганди.
