Намибия Президенти вафот этди
Олам
−
04 Февраль 2024 11313 1 дақиқа
Намибия Президенти Хаге Геингоб 82 ёшида вафот этди. Бу ҳақда бугун, 4 февраль куни мамлакат вице-президенти Нанголо Мбумба маълум қилди.
Давлат раҳбарининг девони Х (собиқ Twitter) ижтимоий тармоғидаги саҳифасида Президент рафиқаси ва болалари қуршовида вафот этганини маълум қилди.
Қайд этилишича, Геингоб сўнгги ойларда саратон касаллигига қарши курашиб келган. Январь ойи охирида у АҚШга даволаниш учун кетиб, икки кундан кейин уйига қайтган.
Марҳум 2015 йил март ойида Намибия Президенти бўлган ва 2019 йилда қайта сайланган. Шунингдек, у 1990-2002 ва 2012-2015 йилларда икки марта мамлакат Бош вазири вазифасида фаолият юритган.
Вақтинчалик Президент вазифасини бажарувчи сифатида вице-президент Нанголо Мбумба кўрилмоқда.
Эслатиб ўтамиз, 2023 йилнинг 13 сентябрь куни Молдованинг биринчи президенти Мирча Снегур 82 ёшида вафот этган эди.
Live
БарчасиАмерика самолётлари аллақачон Покистонда
20 Апрель
Олмазор туманидаги уйлардан бири ёнмоқда
20 Апрель
Чимёнда қор кўчкиси кузатилди
20 Апрель
