Туркияда зилзила қурбонлари сони ортяпти. Мирзиёев Эрдўғанга таъзия билдирди

Жамият 11071
image

Ўзбекистон Республикаси Президенти Туркиянинг ғарбий ҳудудларида юз берган табиий офат – кучли зилзила оқибатида инсонлар қурбон бўлгани, кўплаб фуқаролар жaроҳат олгани ҳамда катта талофатлар кўрилгани муносабати билан Туркия Республикаси Президенти Ражаб Тойиб Эрдўғанга таъзия йўллади.

Шавкат Мирзиёев ҳалок бўлганларнинг оила аъзоларига чуқур ҳамдардлик изҳор этиб, жароҳатланганлар тез фурсатларда шифо топишини тилади.

Қурбонлар сони эса 6 нафардан 12 нафарга етди. Жабрланганлар 200 нафардан 419 нафаргача кўпайди.

Маълумот учун, бугун, 30 октябрь куни Туркиянинг ғарбий қисмида Измир вилоятида вайронкор зилзила юз бергани хабар қилинганди. Зилзила кучи 6,6 балл бўлган.

Ўзбекистоннинг Истанбулдаги Бош консулхонаси Измирдаги зилзила натижасида ўзбекистонликлар жабрланмаганини маълум қилди.

Суннатилла Абдуллаев
Мақолага баҳо беринг
Баҳолаганлар: 435
Рейтинг: 2.9
t
×