Мирзиёев “Амирсой” курортида Садир Жапаров билан учрашди
Жамият
−
26 Январь 10021
Кеча, 25 январь куни Президент Шавкат Мирзиёев ташриф билан Ўзбекистонда бўлган Қирғизистон Президенти Садир Жапаров билан “Амирсой” курорт мажмуасида норасмий учрашув ўтказди. Бу ҳақда Президент матбуот хизмати хабар берди.
Етакчилар икки томонлама муносабатларнинг долзарб масалалари, шунингдек, халқаро сиёсат ва минтақавий ҳамкорлик юзасидан фикр алмашди.
Қирғизистон Президенти тоғ-чанғи мажмуасида яратилган шароитлар ва унинг жаҳоннинг юксак стандартларига мос замонавий инфратузилмасини юқори баҳолади.
Ўзбекистон ва Қирғизистонда икки давлатнинг ноёб геоландшафти ва хилма-хил табиатини ҳисобга олган ҳолда курорт-рекреация марказларини ташкил этишга қаратилган қўшма лойиҳаларни илгари суришга келишиб олинди.
Live
Барчаси
