“Милан” Златан билан янги шартнома тузади

Спорт 992
image

“Милан” ҳужумчиси Златан Ибрагимович жамоаси билан шартномасини узайтиришга яқин турибди. Бу ҳақда “La Gazzetta dello Sport” хабар берди.

40 ёшли швециялик футболчининг “россонерилар” билан тузган янги шартномаси 2023 йилнинг ёзига қадар амал қилади. Ибрагимовичнинг ҳозирги шартномаси эса келаси 2022 йилнинг июлида тугайди.

Қайд этилишича, Златан билан музокаралар бошланишидан аввал “Милан” раҳбарлари бир қатор ёш футболчилар: Тео Эрнандес, Рафаэль Леао ва Исмоил Беннасер билан ҳам шартномани янгилмоқчи.

Маълумот учун, швециялик футболчи 2020 йилнинг январида Италия клубига ўтган эди. Жорий мавсумда 8 та ўйин ўтказиб, 3 та гол урган ва 2 та голли узатмани амалга оширган.
 

Ҳумоюн Орипов
Мақолага баҳо беринг
Баҳолаганлар: 11
Рейтинг: 3.2
t
×