Месси MLS’да мавсумнинг энг яхши тўпурари бўлди

“Интер Майами” жамоасининг аргентиналик футболчиси Лионель Месси 2026 йилги Олий футбол лигаси (MLS) мунтазам мавсумининг энг яхши тўпурари бўлди. Бу ҳақда турнир матбуот хизмати хабар берди.

Чемпионат якунига кўра, 39 ёшли аргентиналик футболчи 31 та учрашувда 26 та гол урди. Лиганинг “Олтин бутса” соврини учун курашда Месси хорватиялик Петар Муса (“Даллас” – 22 та гол) ва Англия терма жамоаси вакили Сэм Сарриж (“Нэшвилл” – 21 та гол)ни ортда қолдирди.

Месси MLS тарихида кетма-кет икки мавсумда чемпионатнинг энг яхши тўпурари бўлган биринчи футболчига айланди. Шунингдек, у ушбу совринни икки марта қўлга киритган олтинчи футболчи бўлди.

Маълумот учун, “Интер Майами” мунтазам мавсумни Шарқий конференцияда иккинчи ўринда якунлаб, MLS плей-офф босқичига йўл олди. Эндиликда жамоа биринчи босқичда уч ўйингача давом этадиган серия доирасида “Коламбус Крю” билан тўқнаш келади.