Мен папа бўлишни хоҳлайман – Трамп (видео)
Олам
−
30 Апрель 9425 2 дақиқа
Кеча, 29 апрель куни АҚШ Президенти Дональд Трамп ўтган ҳафтада 88 ёшида вафот этган Рим папаси Францискнинг ўрнини эгаллашни хоҳлашини айтди. Бу ҳақда у журналистлар билан суҳбат чоғида сўз очди.
Журналистлар ундан католик черковининг навбатдаги раҳбари ким бўлиши ҳақида сўраган.
“Мен папа бўлишни хоҳлардим. Бу менинг биринчи рақамли танловим бўларди”, дея жавоб берган Трамп ҳазиллашиб.
Шу билан бирга, у аслида ҳеч кимни алоҳида афзал кўрмаслигини айтган.
“Нью-Йорк деган жойдан бўлган жуда яхши бир кардиналларимиз бор. Нима бўлишини кўрамиз”, деган у.
Гап Нью-Йорк архиепископи кардинал Тимоти Долан ҳақида бормоқда. У янги папа бўлиши мумкин бўлган асосий номзодлар рўйхатида йўқ, бироқ рўйхатда АҚШдан бир киши – Нью-Жерси штатидаги Нюарк архиепископи кардинал Жозеф Тобин бор. АҚШдан ҳали ҳеч қачон папа сайланмаган.
Қайд этиш жоиз, тез орада 135 нафар католик кардинали навбатдаги папани танлаш учун махфий конклавга киради. Ҳозирча аниқ етакчи номзод йўқ.
Эслатиб ўтамиз, ўтган ҳафта охирида Дональд Трамп ва унинг рафиқаси Мелания Лотин Америкасидан чиққан биринчи папа ҳисобланувчи Францискнинг дафн маросимида иштирок этиш учун Римга сафар қилганди.
