Макроннинг хотинини “эркак” деб ҳисоблаган журналист судда ютди

north_east

Макроннинг ашаддий танқидчиси ўлик ҳолда топилди

Франция Президенти Эммануэль Макроннинг рафиқаси, Биринчи хоним Брижит Макроннинг аслида эркак эканини даъво қилгани учун аввал туҳматда айбланган мустақил француз журналисти Наташа Рей оқланди. Бу ҳақда кеча, 10 июль куни ОАВ вакилининг адвокати Франсуа Данглеан маълум қилди.

“Наташа Рейнинг Брижит ва Жан-Мишеля Троньега қарши ғалабаси: апелляция суди Наташа Рейни оқлади”, деб ёзди у Х ижтимоий тармоғидаги саҳифасида.

“France Press” хабарига кўра, суд иш бўйича яна бир гумонланувчи – Rey YouTube каналида чиқиш қилган Амандин Руани (ҳақиқий исми Дельфин Жегусс) ҳам оқлаган.

Шу билан бирга, адвокатнинг аниқлик киритишича, журналист давлат раҳбарининг турмуш ўртоғи Брижит Макрон Тронье ва унинг укаси Жан-Мишеля Троньега нисбатан улар суд ҳақида ёлғон маълумот бергани учун тўғридан тўғри даъво аризаси билан мурожаат қилмоқчи.

Франциянинг Биринчи хоними эркак бўлиб туғилгани ҳақидаги миш-мишлар 2021 йилнинг апрелида, Эммануэль Макрон иккинчи муддатга номзодини қўйган президентлик сайловларидан бир йил олдин тарқала бошлаган.

Макрон рафиқаси ҳақидаги миш-мишларга илк бор 2024 йилнинг март ойида тўхталганди. Халқаро хотин-қизлар куни муносабати билан Франциянинг ТF1 телеканалига берган интервьюсида у шундай деган эди:

“Энг ёмони – ёлғон маълумотлар ва уйдирма сценарийлар. Одамлар охир-оқибат уларга ишониб, сизни, ҳатто яқинларингизни ҳам ташвишга солади”.

Унинг қўшимча қилишича, унинг аёлига қилинган “ҳужумлар” аёллар ҳар куни дуч келадиган мисогиния (аёлларга (қизларга) нисбатан нафрат, душманлик ёки сингдирилган нотўғри қараш) нинг одатий намунасидир.

2024 йилнинг 12 сентябрь куни Париж суди Франция Президентининг рафиқаси Брижит Макроннинг эркак бўлиб туғилгани ҳақидаги туҳматли миш-мишларни тарқатгани учун икки француз аёлни жами 13,5 минг евро миқдорида жаримага тортганди.

Эммануэль Макрон ва ундан 24 ёш катта бўлган рафиқаси ўртасидаги муносабатларнинг турмуш қуриш ҳикояси кўп марта муҳокама марказида бўлган. Брижит Макрон унинг Франция шимолидаги Амьен шаҳридаги диний мактабда ўқитувчиси эди. Улар танишганида Макрон 15 ёшда бўлган. У турмуш қурган ва уч фарзандни тарбиялаган 38 ёшли ўқитувчисини севиб қолган. Ота-онаси бундан хабар топгач, уни Парижга ўқишга юборган. У Брижит Тронье-Озьер билан 2 йил ишқий муносабатда бўлган. Брижит Тронье-Озьер Макронга 2007 йилда – олдинги эри билан ажрашишидан бир йил ўтиб турмушга чиққан.

Эслатиб ўтамиз, жорий йилнинг 25 май куни Франция Президенти Эммануэль Макроннинг Вьетнамга борган пайти аёлидан тарсаки егани акс этган видео ижтимоий тармоқларда катта шов-шувга сабаб бўлганди. Ҳолатга Елисей саройи муносабат билдирганди.