Макрон аёлидан тарсаки еди (видео)

Кеча, 25 май куни Франция Президенти Эммануэль Макроннинг Вьетнамга борган пайти аёлидан тарсаки егани акс этган видео ижтимоий тармоқларда катта шов-шувга сабаб бўлди. Ушбу ҳолатга Елисей саройи муносабат билдирди.

Видеода Президент самолёт эшигидан кўринади ва ичкарида ким биландир гаплашаётган вақтда бир қўл унинг юзига яқинлашиб, иягига енгил тарсаки туширади. Макрон бу ҳолатга қисқа ҳайрат билдиради, лекин дарҳол ўзини тутиб, камералар қаршисида саломлашади. Кейин у ва рафиқаси самолётдан тушади. Рафиқасининг кийими тарсаки туширилган кийимга мос келади.

Елисей саройига кўра, бу воқеа саёҳат бошланишидан олдин Президент ва унинг рафиқаси ўртасидаги оддий ҳазил ва қувноқлик бўлган.

“Бу яқинлик лаҳзаси эди. Бироқ бу фитна назариячиларига етарли бўлди”, дейилади хабарда.

Шундай қилиб, Елисей саройига кўра, Брижит Макрон ва Эммануэль Макроннинг ҳаракатлари ҳеч қандай кучли жанжални ёки ўзаро келишмовчиликларни англатмайди. Бу – ҳазил.

Эслатиб ўтамиз, аввалроқ Франция Президенти Эммануэль Макрон Украинага кетаётган поездда қандайдир ўрамни яширгани ва бу гиёҳванд модда бўлиши мумкинлиги ҳақида гап-сўзлар урчиганди. Шундан сўнг Елисей саройи бу бу ўрам ҳеч қандай гиёҳванд модда эмас, шунчаки салфетка эканини таъкидлади.