Левандовски Мессининг жамоадошига айланиши мумкин

“Барселона” ҳужумчиси Роберт Левандовски 2026 йилда MLS’нинг “Интер Майами” клубига ўтиши мумкин. Бу ҳақда Полша терма жамоасининг собиқ футболчиси Марек Юзвяк Полша телевидениесига берган интервьюсида маълум қилди.

Унинг сўзларига кўра, Америка клуби раҳбарияти Левандовски учун ҳозирданоқ уй қидиришни бошлаб юборган. 

37 ёшли ҳужумчининг “Барселона” билан амалдаги шартномаси жорий мавсум охиригача мўлжалланган.  Роберт каталонияликлар сафига 2022 йилда “Бавария” клубидан келиб қўшилган. У шу вақтга қадар “Барселона” билан 164 та учрашувда майдонга тушиб, 109 та гол ва 22 та голли узатма амалга оширди. Шунингдек, у жамоа билан икки бор Испания чемпиони ва Испания кубоги соҳибига айланган.

Ҳозирда Ла Лиганинг 17-туридан сўнг “Барселона” 43 очко билан турнир жадвалида етакчилик қилмоқда.

Эслатиб ўтамиз, аввалроқ “Реал Мадрид”нинг собиқ чап қанот ҳимоячиси Серхио Регилон эркин агент сифатида “Интер Майами” сафига бориб қўшилган эди.