Коронавирус. Бугундан яна чоралар кучайтирилади

north_east

Карантин қоидаларига амал қилмаганларга қандай жавобгарлик белгиланган?

Ўзбекистонда коронавирус билан боғлиқ вазият яна жиддий тус олмоқда. Шу муносабат билан бугун, 24 мартдан эътиборан жамоат жойларида тиббий ниқоблардан фойдаланиш бўйича назорат кучайтирилди. Бу ҳақда Соғлиқни сақлаш вазирлиги хабар бермоқда. 

Қайд этилишича, мамлакат ҳудудида коронавируснинг кенг тарқалиши ва кескин эпидемиологик ҳолат юзага келишини олдини олиш мақсадида қуйидагилар белгиланган:

Жорий йилнинг 24 мартидан бошлаб: 

•    жамоат жойларида, шу жумладан, йирик деҳқон бозорлари ва савдо мажмуаларида (супермаркет, гипермаркет ва бошқаларда) тиббий ниқобдан ва антисептик воситалардан фойдаланган ҳолда ҳаракатланиш бўйича санитария-гигиена талабларига қатъий риоя этилиши бўйича назорат кучайтирилди.

Жорий йилнинг 25 мартидан бошлаб:

•    касаллик клиник белгиларсиз ёки енгил шаклда кечаётганлиги сабаб уй шароитида даволанаётган беморлар саломатлиги назорати ва даволанишини ташкил этиш мақсадида зарурат бўлган ҳудудлар бирламчи тиббий-санитария ёрдами муассасаларида мобил бригадалар фаолиятини қайта йўлга қўйилади.

Карантин чекловларини ва санитария-эпидемиологик талабларни бузаётган фуқаролар белгиланган тартибда жавобгарликка тортилиши, шу жумладан, ушбу ҳолатларга йўл қўйган мансабдор шахсларга нисбатан қонун ҳужжатларида назарда тутилган қатъий чоралар кўрилиши белгиланди.