Кирмондаги терактга алоқадор 23 нафар шахс ҳибсга олинди

Эроннинг Кирмон вилояти прокурори Меҳди Бахши генерал Қосим Сулаймоний қабри ёнидаги портлашлардан бироз олдин ИШИДнинг 23 нафар террорчиси ҳибсга олингани ва 16 та қўлбола бомба мусодара қилинганини маълум қилди. Унинг сўзларини IRNA агентлиги келтирди. 

Унинг сўзларига кўра, генерал Сулаймоний ўлимининг бир йиллиги шарафига ўтказилаётган тадбир ташкилотчилари дафн маросими вақтида портлаш тайёрланаётганини билган.

"Улар мисли кўрилмаган хавфсизлик чораларини кўрди, бу қурбонлар сонини камайтиришга ёрдам берди", дейди прокурор.

Бахшининг сўзларига кўра, Кирмон вилоятида теракт уюштиришга алоқадор бўлган 23 нафар худкуш-террорчи қўлга олинган.

Шунингдек, прокурор вилоятда топилган 16 та бомба ҳақида маълум қилиб, уларнинг ҳар бири 3 январь куни Қосим Сулаймоний қабрида портлатилганидан кучлироқдир.

Меҳди Бахши мамлакат расмийлари террорчилик ҳужумига тайёргарлик кўришда гумонланганларнинг қўлга олиниш вақти ва портловчи мосламалар топилганига аниқлик киритмаган.

Кирмон вилояти прокурорининг баёноти ижтимоий тармоқларда Эрон ҳукумати танқидлари фонида янграган. Фойдаланувчилар мамлакат раҳбариятини оммавий тадбирлар хавфсизлигини таъминламаганликда айбламоқда. Бунга жавобан Эрон Бош прокурори фуқароларни интернетдаги “ёлғон” постлари учун жазолаш билан таҳдид қилган.

Эслатиб ўтамиз, 3 январь куни Эроннинг Кирмон шаҳрида Қудс кучлари қўмондони Қосим Сулаймоний ўлимининг тўрт йиллигига бағишланган маросим ўтказилаётган қабристон яқинида иккита портлаш содир бўлганди. Маҳаллий матбуотда теракт қурбонлари 100 дан ошгани хабар қилинганди. Бироқ Соғлиқни сақлаш вазирлиги бу кўрсаткични олдинроқ баъзи қурбонлар икки мартадан нотўғри ҳисоблангани билан изоҳлади. Кейинчалик портлашлар содир этган икки худкуш-террорчидан бири Тожикистон фуқароси бўлгани аниқланди.