Қирғизистоннинг янги Ҳукумати тасдиқланди

Аввалроқ, Қирғизистоннинг янги Ҳукумати таркибини мамлакат парламенти тасдиқлаган эди. 

Қирғизистон Президенти Садир Жапаров Ҳукумат аъзоларини тайинлаш ҳақида фармонларни имзолади. Бу ҳақда 24.kg хабар бермоқда.

Биринчи фармонга кўра, Улукбек Марипов Қирғизистон Республикаси Ҳисоб палатаси раислиги лавозимидан озод этилиб, мамлакат Бош вазири этиб тайинланди. 

Иккинчи фармон билан Артём Новиков Бош вазирнинг биринчи ўринбосари этиб тайинланди.

Бошқа фармонларга биноан:

•  Кармишаков Улукбек Тойчуевич Бош вазир ўринбосари ҳамда Иқтисодиёт ва молия вазири;

•  Асанкулов Женишбек Асанкулович Ҳукумат аппарати раҳбари ҳамда вазир;

•  Омуралиев Таалайбек Бариктабасович Мудофаа вазири;

•  Казакбаев Руслан Айтбаевич Ташқи ишлар вазири;

•  Чинбаева Асель Риспековна Адлия вазири;

•  Ниязбеков Улан Омоканович Ички ишлар вазири;

•  Бейшеналиев Алмазбек Таълим ва фан вазири;

•  Бейшеналиев Алымкадыр Савирдинович Соғлиқни сақлаш ва ижтимоий тараққиёт вазири; 

•  Абдралиева Гулмира Курманбековна Транспорт, архитектура, қурилиш ва коммуникациялар вазири;

•  Турдубаев Кубаничбек Апишевич Энергетика ва саноат вазири;

•  Жанибеков Аскарбек Сапарбекович Қишлоқ, сув хўжалиги ва минтақавий ривожланиш вазири;

•  Ажикеев Бообек Эргешевич Фавқулодда вазиятлар вазири;

•  Иманалиев Кайрат Олжобаевич Маданият, ахборот ва спорт ишлари вазири;

•  Ташиев Камчибек Кидиршаевич Миллий хавфсизлик давлат қўмитасининг раиси этиб тайинланди.

Эслатиб ўтамиз, жорий йилнинг 10 январь куни Қирғизистонда муддатидан олдин ўтказилган президентлик сайловида Садир Жапаров ғалаба қозонган эди. У 28 январь куни инаугурация маросимидан кейин лавозимга киришди.