Қашқадарёдаги “заправка”да автомобиль ёниб кетди (видео)
3-саҳифа
−
28 Декабрь 2024 7502
Бугун, 28 декабрь куни Қашқадарёдаги “заправка”да ёқилғи ташувчи автомобиль ёниб кетди. Бу ҳақда вилоят фавқулодда вазиятлар бошқармаси хабар берди.
Қайд этилишича, соат тахминан 08:45 лар атрофида Шаҳрисабз шаҳар Фавқулодда вазиятлар бўлимига автомобиль ёнаётгани бўйича хабар келиб тушган.
Аниқланишича, Ипак йўли кўчасида жойлашган “Қашқадарё Нефть базаси” МЧЖ Шаҳрисабз филиалига қарашли 3-сонли автомобилларга ёқилғи қуйиш шохобча ҳовлисида Зил 130 русумли ёқилғи ташувчи автомобиль ёнган.
Хабарга кўра, воқеа жойига 5 та ёнғин-қутқарув бўлинмаси соат 08:48 да етиб бориб, ёнғинни 09:51 да тўлиқ ўчирган.
“Ёнғиндан ҳеч ким тан жароҳати олмаган. Ҳозирда ёнғин сабаби ва зарари аниқланмоқда”, дейилади хабарда.
Эслатиб ўтамиз, аввалроқ Тошкент шаҳрининг Чилонзор туманидаги кафеда ёнғин чиққанди. Ёнғин оқибатида тан жароҳати олган ва ҳалок бўлган фуқаролар йўқ.
Live
Барчаси
