Қашқадарёда болалар лифтда қамалиб қолди
Жамият
−
27 Март 2924
Бугун, 27 март куни Қашқадарё вилояти Қарши шаҳридаги кўп қаватли уйларнинг биридаги лифтда болалар қамалиб қолди. Бу ҳақда Фавқулодда вазиятлар вазирлиги хабар берди.
Маълум қилинишича, соат 13:30 да Қашқадарё вилояти ФВБга Қарши шаҳар “Наво” МФЙда жойлашган кўп қаватли уйларнинг биридаги лифт қулфланиб қолганлиги, унинг ичида 4 нафар ёш болалар қолиб кетганлиги тўғрисида хабар келиб тушган.
Хабарга кўра, зудлик билан айтилган манзилга вилоят ФВБ қутқарувчилари етиб борган ва махсус асбоб-анжомлар ёрдамида лифт очилиб, болалар қутқарилган ҳамда ота-оналарига соғ-омон топширилган.
Эслатиб ўтамиз, аввалроқ, Тошкентдаги кўп қаватли уйнинг лифти ичидаги одамлар билан пастга тушиб кетгани ҳақида хабар берилганди.
Live
Барчаси
