Июнь ойида нарх-наво 0,2 фоизга пасайди
Жамият
−
01 Июль 2020 6069
2020 йилнинг июнь ойида истеъмол нархлари ва тарифлари даражаси ой давомида ўртача 0,2 фоизга пасайди. Бу ҳақда Давлат статистика қўмитаси хабар берди.
Мева ва сабзавот нархларининг ўзгаришини ҳисобга олмаганда, ушбу кўрсаткич даражаси 0,5 фоизни ташкил этган.
2020 йилнинг январь-июнь ойлари давомида истеъмол бозоридаги нархлар ва тарифлар ўртача 4,6 фоизга кўтарилди.
Йиллик даврда эса (2019 йилнинг июнига нисбатан) товарлар ва хизматлар нархларининг ўртача ўсиш суръати 14,2 фоизни ташкил этди.
Ўртача ойлик ИНИ ўсишини ҳисоблаш натижаларига кўра, 2020 йилнинг биринчи ярим йиллиги давомида ушбу кўрсаткич 0,8 фоизни, 2019 йилнинг шу даврида эса 0,9 фоизни ташкил этган.
2020 йилнинг июнь ойида йиллик умумий ИНИ ўтган ойнинг шу кўрсаткичига нисбатан 0,2 пунктга ошди (14,0 фоиздан 14,2 фоизгача). Шу билан бирга, ўтган йилнинг июнь ойига нисбатан 2020 йилнинг июнь ойидаги натижа 2019 йилнинг июнь ойидаги кўрсаткичга нисбатан 0,6 пунктга баланд бўлди (14,2 фоизга қарши 13,6 фоиз).
Бозорларнинг янги мева-сабзавот маҳсулотлари ҳосили билан тўйинганлиги сабабли ушбу товарлар гуруҳи умумий нархларининг пасайишига олиб келиб, натижада жорий йилнинг июнь ойида озиқ-овқат маҳсулотларининг истеъмол нархлари индекси (ИНИ) 98,8 фоизни ташкил этди.
Ой давомида ноозиқ-овқат маҳсулотлар ва хизматлар нархлари 0,6 фоизга қимматлашди.
