Исроил Мадримовнинг чемпионлик жанги бекор қилинди
Спорт
−
04 Март 11091
Жорий йилнинг 8 март кунида ўзбекистонлик профессионал боксчи Исроил Мадримов биринчи ўрта вазн Бутунжаҳон бокс ассоциацияси (WBA) камари учун россиялик Магомед Қурбоновга қарши жанг қилиши керак эди, бироқ ўзбекистонлик бокчининг тиббий назорат натижалари ижобий чиқмаганлиги боис жанг бекор қилинди. Бу ҳақда Британия бокс назорати кенгаши маълум қилди.
QALAMPIR.UZ манбасига кўра, Мадримов Ўзбекистонда тиббий текширувдан ўтган ва унга нотўғри ташхис қўйилган. Ҳозирда Мадримовнинг менежерлари жангни тезроқ ўтказиш устида иш олиб бормоқда.
Қайд этиш жоиз, Мадримов ва Қурбонов супероғир вазн тоифасидаги боксчилар британиялик Энтони Жошуа ва камерунлик Франсис Нганну ўзаро тўқнаш келадиган турнирда ҳисоб-китоб қилиб олиши керак эди.
Эслатиб ўтамиз, аввалроқ ўзбекистонлик яна бир профессионал боксчи Одилжон Аслонов профрингдаги навбатдаги ғалабасига эришгани хабар қилинганди.
Аслонов “IBA чемпионлар оқшоми”да жанг қилди.
Live
Барчаси
