Madrimov Las-Vegasda kim bilan jang qilishi ma’lum bo‘ldi
Sport
−
24 dekabr 2025 6652 1 daqiqa
O‘zbekistonlik professional bokschi, super yarimo‘rta vazn toifasida sobiq WBA chempioni Isroil Madrimovning navbatdagi jangidagi raqibi ma’lum bo‘ldi. Bu haqda sportchi o‘zining Instagram sahifasida xabar berdi.
Ma’lum bo‘lishicha, Isroil Madrimov 2026 yilning 24 yanvar kuni AQSHning Las-Vegas shahridagi Fontainebleau majmuasida tashkil etiladigan boks oqshomida Dominikan Respublikasi vakili Luis Devid Salazarga raqib bo‘ladi.
Ma’lumot uchun, 30 yoshli Isroil Madrimov faoliyati davomida 13 ta jang o‘tkazib, 10 g‘alaba, 2 mag‘lubiyat va 1 ta durang qayd etgan. Uning raqibi 32 yoshli Devid Salazar hisobida esa 20 ta g‘alaba va 1 ta mag‘lubiyat bor.
Eslatib o‘tamiz, Isroil Madrimov WBA'ning noyabr oyi yakunlariga ko‘ra yangilangan reytingda 7-o‘rinni egallab turibdi.
Live
Barchasi
