“Интер” А Сериянинг энг қиммат жамоасига айланди

“Transfermarkt” портали Италия А Серияси футболчиларининг трансфер нархларини янгилади. Янгиланган трансфер нархларидан сўнг Миланнинг “Интер” клуби Италиядаги энг қиммат жамоага айланди.

Ихтисослаштирилган футбол сайти футболчиларнинг бозор қийматини янгилаганидан сўнг, миланликлар таркибини 693 миллион еврога баҳолаган. Бу кўрсаткич “Интер”ни Италиядаги энг қиммат жамоасига айлантирди. “Ювентус” жамоасининг таркиби 602 миллион евро билан иккинчи, “Наполи” клубининг таркиби эса 503 миллион евро билан учинчи ўринда қайд этилди. Рейтингда тўртинчи ўринни 471  миллион еврога баҳоланган “Милан” жамоаси эгаллаган бўлса, бешинчи ўринда 459 миллион евролик таркибга эга “Аталанта” жойлашган.

Айни дамда Италия А Сериясининг энг қиммат футболчиси Лаутаро Мартинес бўлиб турибди.  “Transfermarkt” портали аргентиналик ҳужумчининг трансфер нархини 85 млн еврога баҳоламоқда. Ундан кейинги ўринларда “Интер”нинг яна бир футболчиси, Италия терма жамоаси ҳимоячиси  Алессандро Бастони эгаллаган. Бастонининг нархи 80 млн евро. Ундан кейинги ўринларда “Ювентус” футболчиси Кенан Йилдиз ва яна бир “Интер” ҳужумчиси Маркус Тюрам бормоқда. Уларнинг трансфер нархи 75 миллион еврога баҳоланган.

Маълумот учун, Италия А Серияси 2024-2025 йилги мавсум якунида “Наполи” жамоаси чемпионликни қўлга киритган эди.  “Интер” клуби иккинчи, “Аталанта” эса учинчи ўринда якунлаган эди.