Мбаппенинг трансфер нархи кескин пастлади
Спорт
−
18:37 1007 1 дақиқа
Бугун, 5 июнь куни “Transfermarkt” портали Испания Ла Лигаси футболчиларининг бозор қийматини янгилади. Унга кўра, “Реал Мадрид” ва Франция терма жамоаси ҳужумчиси Килиан Мбаппенинг трансфер қиймати 20 миллион еврога камайди.
Янгиланган баҳолаш натижасига кўра, “Реал Мадрид” ҳужумчиси Килиан Мбаппенинг трансфер қиймати 20 миллион еврога камайтирилди. Энди француз футболчисининг бозор нархи 180 миллион еврони ташкил этмоқда. Илгари у 200 миллион евро деб баҳоланган эди.
Бозор қиймати пасайганига қарамай, Мбаппе Мадрид клуби сафида самарали мавсум ўтказди. Ўтган мавсумда 27 ёшли ҳужумчи клуб учун 44 та учрашувда майдонга тушиб, 42 та гол урди ва 7 та голли узатмани амалга оширди ва мавсумнинг энг яхши тўпурари бўлди.
Эслатиб ўтамиз, аввалроқ португалиялик юлдуз Криштиану Роналдунинг трансфер қиймати 12 миллион евродан 10 миллион еврога тушганди.
